ಬಸ್ ಸ್ಟಾಪಿನಲ್ಲಿ ನೀ ಬಿದ್ದೆ
ನನ್ನ ಕಣ್ಣಿಗೆ,
ನಾ ಹತ್ತಿದೆ ನೀ ಹತ್ತಿದ ಬಸ್ಸಿಗೆ
ಬಸ್ಸಲ್ಲಿ ಕೂಡಲು ಜಾಗವಿಲ್ಲದೇ
ನಾವಿಬ್ಬರೂ ನಿಂತೆವು ಒತ್ತೊಟ್ಟಿಗೆ.
ಬಸ್ಸಿನ ವೇಗ ಹೆಚ್ಚಾಯಿತು
ನಮ್ಮಿಬ್ಬರ ದೇಹಕ್ಕೆ ಮಾತಾಯಿತು
ನಿನ್ನ ಗಮನ ನನ್ನತ್ತ ಹರಿಯಿತು
ನಿನ್ನ ಕಣ್ಣುಗಳ ಮಿಂಚು ನನ್ನನ್ನು ಸೆಳೆಯಿತು.
ಮೂಕಾದವು ಮನಸುಗಳು
ಮಾತಾಡಿದವು ಕಣ್ಣುಗಳು
ನನಗಾಗ ಅನ್ನಿಸಿತು,
ನಾವಾಗಬಹುದಲ್ಲವೇ ಯುವ ಪ್ರೇಮಿಗಳು.
ಬಸ್ಸಿನಿಂದ ನೀ ಇಳಿದೆ
ತಿರುಗಿ ಹೂ ನಗೆಯ ಬೀರಿದೆ
ಸಂತೋಷದಿಂದ ನನ್ನ ಎರಡೂ ಕೈ ಎತ್ತಿದೆ
ಮಂಚದಿಂದ ನಾ ನೆಲಕ್ಕುರುಳಿದೆ.
ಗಾಬರಿಯಿಂದ ನಾ ಕಣ್ತೆರೆಯಲು
ನಡೆದದ್ದೆಲ್ಲವೂ ಕನಸಾಗಲು.............
ನಿಮ್ಮ ಪವನ.........
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ